ஷங்கர் படத்தில் பாட மைக்கேல் ஜாக்சன் தயாராக இருந்ததார் – ஏ. ஆர்.ரஹ்மான்

எந்திரன் படத்தில் பாடுவதற்கு மைக்கேல் ஜாக்சன் தயாராக இருந்ததாக ரஹ்மான் கூறியுள்ளார்.

இது பற்றி சமீபத்தில் அவர் அளித்த பேட்டியில் ”ஆஸ்கார் விருது தொடர்பாக நான் அப்போது லாஸ் ஏஞ்சல்ஸில் இருந்தேன். அப்போது ‘மைக்கேல் ஜாக்சனின் ஏஜன்ட் என்று ஒருவரை என்னுடைய ஏஜன்ட் அறிமுகப்படுத்தினார். மைக்கேல் ஜாக்சனை பார்க்க முடியுமா ? என்று விளையாட்டாகத்தான் கேட்டேன்.

ஆஸ்கார் விருது வென்ற பிறகு, மைக்கேலை சந்தித்தேன். மைக்கேல் மிகவும் அன்பான மனிதன். அவருடைய குழந்தைகளை அறிமுகப்படுத்தினார். உலக அமைதிக்காக ஒன்றிணைத்து பணிபுரிவோம் என்றார்.

இந்தியா வந்தபிறகு, எந்திரன் படத்தில் மைக்கேல் ஜாக்சனை பாட வைக்கலாமா ? என்று இயக்குனர் ஷங்கர் கேட்டார். நானும் மைக்கேலிடம் இதை கூறினேன். ”நீங்கள் என்ன சொன்னாலும் சரி. நாம ஒன்றாக பணிபுரியலாம்’ என்று மைக்கேல் ஜாக்சன் கூறினார். ஆனால் அதற்குள்ளாக அவர் காலமாகி விட்டார்.”” என்று குறிப்பிட்டுள்ளார்.